09:51 / 22.09.2018
4349

O‘zbekiston va Bolgariya universitetlari o‘rtasida memorandum imzolandi

Kuni kecha Toshkent davlat agrar universitetiga Bolgariya davlatining Plovdiv agrar universiteti qishloq xo‘jaligi professorlari Svetlana Yancheva va Xristina Yancheva tashrif buyurdi.

Foto: Toshkent davlat agrar universiteti

Ular o‘simliklar biotexnologiyasi, o‘simliklarni himoya qilish va sabzavotchilik yo‘nalishlarida magistratura bosqichida “Qo‘shma dastur” joriy etish; 

- O‘simliklar biotexnologiyasi, o‘simliklarni himoya qilish va sabzavotchilik yo‘nalishlardagi doktorantlarga rahbarlik qilish;

- Ikki universitet professor-o‘qituvchilari va talabalari almashinuvi  masalalari va “Qo‘shma dastur” loyihasini amaliyotga joriy etishni maqsad etishgan.

Uchrashuv davomida Toshkent davlat agrar universiteti rektori, akademik B.Sulaymonov so‘zga chiqib, ikki davlat o‘rtasidagi hamkorlik masalalari bo‘yicha o‘z fikrlarini bildirdi. Loyiha tashkilotchilari tomonidan universitet qoshidagi “Qishloq xo‘jaligida innavatsion ishlanmalar va maslahat markazi”dagi tegishli tajriba maydoniga ko‘rgazmali tashrif uyushtirildi. Uchrashuv so‘ngida “Qo‘shma dastur” loyihalari ishlab chiqildi va memorandum imzolandi.

Foto: Toshkent davlat agrar universiteti
Mavzuga oid
Top