Dunyo bo‘ylab odamlar eng ko‘p nimadan halok bo‘lishi aytildi

Spirtli ichimliklar iste'mol qilish oqibatida har yili uch millionga yaqin kishi halok bo‘ladi. Bu OITS, zo‘ravonlik va YTHda halok bo‘luvchilar miqdoridan ko‘p. Bu haqda Jahon sog‘liqni saqlash ma'lumotida keltirib o‘tilgan.

Mutaxassislarning so‘zlariga ko‘ra, spirtli ichimliklar har 20 o‘lim holatidan bittasiga sababchi bo‘lar ekan. Mast holatda avtomobil boshqarish, zo‘ravonlik qilish, ko‘p kasalliklar, jumladan, yurak-qon tomir tizimining buzilishi, jigar tserrozi va saratonning ayrim ko‘rinishlari ana shu o‘lim holatlariga misol bo‘la oladi. Bundan tashqari, alkogol sil, VICh va pnevmoniya kabi kasalliklarga chalinish xavfini oshiradi.

Alkogol iste'moli bilan bog‘liq barcha o‘limlarning to‘rtdan uch qismi erkaklar hissasiga to‘g‘ri keladi. Bundan tashqari, 20-29 yoshlilar o‘rtasidagi o‘lim holatlarining ko‘p qismi (13,5 foiz) spirtli ichimliklarni me'yordan ortiq iste'mol etish ortidan kelib chiqadi. 

Jahon sog‘liqni saqlash ma'lumotida aytilishicha, bugunda 237 million erkak va 46 million nafar ayol spirtli ichimliklarga bog‘lanib qolganlikdan qiynalishmoqda. Shuningdek, 2,3 milliard kishi har kuni 33 gramm spirt iste'mol qilishi haqida ham ma'lumot keltirilgan.