Foto: MChS RF/50.mchs.gov.ru
O‘zbekistonning ikki fuqarosi, jumladan bir nafar bola Moskva viloyatining Mitishi shahar okrugidagi omborxonada sodir bo‘lgan yong‘in oqibatida halok bo‘ldi. Bu haqda RIA Novosti xabar bermoqda.
"Mitishi shahar okrugidagi maydoni ming kvadrat metrli temir-beton omborxonasida sodir bo‘lgan yong‘in natijasida ikki kishi, jumladan bir nafar bola halok bo‘ldi. Ularning har ikkisi O‘zbekiston fuqarosi bo‘lgan", — deb ma'lum qilgan agentlik suhbatdoshi.
U ayni paytda yong‘in o‘chirilganini, hodisa tafsilotlari o‘rganilayotganini bildirgan.
