Nurmagomedov - Makgregor jangida kim hakamlik qilishi ma'lum bo‘ldi

Amerikalik Xerb Din asosiy referi sifatida Habib Nurmagomedov va Konor Makgregor jangida ishlaydi.

MMA Junkie xabar berishicha, 47 yoshli Din ushbu jang uchun 1900 dollar miqdorida pul ishlab oladi.

Shuningdek, jangda Derek Kliri, Sel D'Amato va Yunichiro Kamixo hakamlik qiladi. Ularning har biri 1600 dollardan oladi.

Nurmagomedov — Makgregor jangi 6 oktabr kuni Las-Vegasda bo‘lib o‘tadi. Bahs UFC 229 musobaqasi doirasida o‘tkaziladi.

Eslatib o‘tamiz, avvalroq Makgregorning otasi Habib ikkinchi raundgacha omon qolmasligini bildirgandi.