Aralash yo‘nalish bo‘yicha rossiyalik jangchi Habib Nurmagomedov irlandiyalik Konor Makgregor bilan jangdan avval o‘zbekistonlik muxlislarga qo‘llab-quvvatlov uchun minnatdorlik bildirdi.
«Habib Nurmagomedov o‘zbekistonlik qardoshlarga qo‘llab-quvvatlov uchun minnatdorchilik bildirdi va Konor bilan jangda oxiriga borishga va'da berdi», - deya xabar qilinadi Instagram’da jangchining kichik murojaati joylashtirilgan Shownews sahifasida.
Eslatib o‘tamiz, Habib Nurmagomedov va Konor Makgregor o‘rtasidagi jang 6 oktabr kuni Mutlaq jangchilar chempionati 229 (UFC) musobaqasi doirasida bo‘lib o‘tadi. Jangchilar Las-Vegasdagi «Ti-Mobayl-arena»da kuch sinashadi.
Eslatib o‘tamiz, avvalroq Makgregor Nurmagomedov mayda bo‘laklarga sochilib ketishini aytgandi.