Ukraina, Ozarboyjon va O‘zbekistonda Pentagon nazorati ostidagi laboratoriyalarni rekonstruksiya qilish davom etmoqda, deb xabar berdi RF Qurolli kuchlarining radiatsion, kimyoviy va biologik himoya qo‘shinlari boshlig‘i Igor Kirillov. Bu haqda RIA Novosti ma'lum qildi.
«Lugar markazi AQShning keng qamrovli harbiy-biologik dasturining kichik elementidir. Rossiyaga yaqin hududlarda faollik kuchaytirildi, bu yerlarda ham Pentagon nazoratidagi laboratoriyalar faoliyat yuritmoqda. Ukraina, Ozarboyjon va O‘zbekistonda laboratoriya korpuslarini rekonstruksiya qilish davom etmoqda», - dedi u.
Kirillovning so‘zlariga ko‘ra, ular faoliyatining ustuvor yo‘nalishi - yuqumli kasalliklar haqida ma'lumot yig‘ish va patogen mikroorganizmlar shtammlariga ega bo‘lgan, shu jumladan, antibiotiklarga chidamli hamda vaksinalar himoya ta'sirini uzaytiruvchi milliy kolleksiyalarni olib chiqishdir.
Avvalroq, Gruziya davlat xavfsizligi vaziri Igor Giorgadze Moskvada bo‘lib o‘tgan matbuot anjumanida AQSh prezidenti Donald Trampga Richard Lugar nomidagi laboratoriya faoliyatini tekshirish iltimosi bilan murojaat qilgani haqida xabar bergandi. U, Giorgadzening bildirishicha, odamlarda o‘lim bilan yakun topishi mumkin bo‘lgan tajribalar o‘tkazadi. Giorgadze 2015 yil dekabrda laboratoriyada S gepatitidan davolanish vaqtida 30 nafar odam halok bo‘lgani haqida ma'lumotlarni keltirgan. 2016 yil aprel va avgust oylarida, mos ravishda, 30 va 13 kishi vafot etgan bo‘lsa, «o‘lim sababi» ustunida «noma'lum», deya ko‘rsatilgan, ammo sabablar tekshiruvdan o‘tkazilmagan. Uning so‘zlariga ko‘ra, ismlar aniqlanmagan, faqat ular tug‘ilgan sana va jinslari bo‘lgan raqamlar berilgan.
