Poroshenko AQShning Ukrainadagi ocharchilikni genotsid deb tan olish haqidagi qarorini qo‘llab-quvvatladi

Ukraina prezidenti Pyotr Poroshenko Amerika Qo‘shma Shtatlarining 1932-1933 yillarda yuz bergan ocharchilik (golodomor)ni genotsid deb tan olish to‘g‘risidagi qarorini qo‘llab-quvvatladi. Bu haqda Ukraina prezidentining rasmiy saytida ma'lum qilindi.

Poroshenkoning fikricha, Qo‘shma Shtatlarning qarori mamlakatlar strategik hamkorligining tasdiqlanishi hisoblanadi. Shuningdek, uning ta'kidlashicha, ushbu tarixiy davrdagi bu hodisalar «sovet rejimi tomonidan tashkillashtirilgan».

«Menimcha, bu [ocharchilikni genotsid deb tan olish] Ukrainaga tarafdor bo‘lgan jahon koalitsiyasini shakllantirishga oid jiddiy ishning davomiga aylandi», - deya qo‘shimcha qilib o‘tdi Poroshenko. 

Eslatib o‘tamiz, avvalroq Ukrainada rossiyalik chegarachilar bilan jang yuz berishiga bir baxya qolgani haqida aytishgandi.