Saudiya Arabistoni shahzodasi neft bilan bog‘liq bo‘lmagan yirik bitim haqida gapirdi

Saudiya Arabistoni valiahd shahzodasi Muhammad bin Salmonning ma'lum qilishicha, mamlakat hukumati neft bilan bog‘liq bo‘lmagan yirik bitim haqida e'lon qilishni mo‘ljallamoqda. Bu haqda Bloomberg xabar berdi.

Uning so‘zlariga ko‘ra, bitim haqida Bo‘lajak investitsion tashabbuslar konferensiyasida e'lon qilinadi.

Shuningdek, uning qo‘shimcha qilishicha, gap «katta raqamlar» haqida ketmoqda.

Muhammad bin Salmonning qayd etishicha, bu bitim neft bilan bog‘liq emasdir.

Eslatib o‘tamiz, avvalroq Saudiya Arabistoni Rossiya va Turkiyaning Idlib bo‘yicha kelishuviga baho bergandi.