Hindiston neft vaziri Dxarmendra Pradxanning ma'lum qilishicha, mamlakat AQSh sanksiyalariga qaramasdan Erondan neft sotib olishni davom ettiradi. Bu haqda NDTV xabar bermoqda.
Uning so‘zlariga ko‘ra, Hindiston o‘z davlati «ehtiyojlarini qondirishi kerak».
Neft vazirining umid bildirishicha, jahon yetakchilari «Hindistonning bunday qarorini qabul qilishadi».
Eslatib o‘tamiz, avvalroq Hindiston quruqlikdagi qo‘shinlar shtabi boshlig‘i Bipin Ravat mamlakat Rossiyadan qurol sotib olishi sababli AQSh o‘ziga qarshi sanksiyalar joriy etishi mumkin ekanidan yaxshi xabardorligini bildirgandi.
Uning ta'kidlashicha, Hindiston «mustaqil siyosat olib boradi».
