«Barselona» bosh murabbiy bilan hamkorlikni uzaytirdi

«Barselona» bosh murabbiy Ernesto Valverde bilan imzolangan shartnomani 2020 yilgacha uzaytirdi. Bu haqda klub prezidenti Xosep Bartomeu xabar berdi.

«Valverde shartnomasi ushbu va keyingi mavsumda amal qiladi. Ammo, u yoki klub kompensatsiya to‘lovi orqali shartnomani bekor qilishi mumkin. Hozircha u 2019/20 mavsumi yakunigacha biz bilan ishlaydi.

Ernesto o‘z ishini yaxshi bajarmoqda. Birinchi mavsum zo‘r bo‘ldi, faqat Rimdagi mag‘lubiyat ko‘ngilni xira qildi. Jamoamizda yaxshi futbolchilar to‘plangan. U aqlli murabbiy, unda o‘yin modeli va tarkibi bo‘yicha aniq pozitsiya bor», - deb Bartomeu so‘zlarini keltirmoqda Mundo Deportivo.