Turkiyada FETO ishi bo‘yicha 100dan ortiq harbiyni qo‘lga olishga sanksiya berildi

Istanbul prokuraturasi Turkiyada faoliyati taqiqlangan FETO tashkilotiga aloqadorlikda gumon qilingan 103 nafar harbiy xizmatchini hibsga olishga order berdi. Bu haqda Haber Turk telekanali xabar berdi.

Ma'lumot berilishicha, maxsus operatsiya davomida huquqni muhofaza qilish organlari xodimlari ulardan 53 nafarini qo‘lga olgan, qolgan gumonlanuvchilar qidirilmoqda.

2016 yil 15 iyulda Turkiyada bir guruh askar va ofitserlar davlat to‘ntarishini amalga oshirishga uringandi. To‘qnashuvlar davomida isyonchilarni hisobga olmaganda 250 kishi halok bo‘lgan, Anqara davlat to‘ntarishini tashkil qilishda FETO tashkilotini ayblagandi.