Nazarboyev AQSh va Xitoy o‘rtasidagi savdo urushi nimalarga olib kelishi mumkinligini aytdi

Jahon savdosi sohasida ziddiyatli masalalarni hal qilish uchun Qozog‘iston prezidenti Nursulton Nazarboyev tomonlarga Jahon savdo tashkiloti shafeligi ostida ko‘p tomonlama shaklda muzokaralar stoliga o‘tirishni taklif qilmoqda. Bu haqda u 13 noyabr kuni Ostona klubining IV yig‘ilishi davomida aytib o‘tdi.

«2020 yilda Ostonada ushbu tashkilotning vazirlik uchrashuvi bo‘lib o‘tadi. Bizning fikrcha, vaziyatdan savdo-sarmoyaviy hamkorlik uchun yagona adolatli qoidalarni ishlab chiqish orqali chiqish mumkin. Shu bilan birga, savdo urushlari muammosiga yechim topishni Jahon savdo tashkilotini isloh qilishdan izlash lozim», - dedi davlat rahbari.

Uning ta'kidlashicha, savdo urushlaridan biri jahon iqtisodiyotining uchdan bir qismi, global eksportning 20 foizi va to‘g‘ridan-to‘g‘ri investitsiyalarning uchdan bir qismi to‘g‘ri keluvchi AQSh hamda Xitoy o‘rtasida boshlangan.

«Bu jahon iqtisodiyoti o‘sishining pasayishiga, natijada, rivojlanayotgan mamlakatlardagi vaziyatning yomonlashishiga olib keladi. Qashshoqlik, ishsizlik - terrorizm, migratsiya va separatizm uchun yaxshi poydevor. Afg‘onistondagi holat ham shunday, u yerda davom etayotgan urush og‘ir oqibatlarga olib keldi - giyohvand moddalar savdosi, terrorizm va ekstremizm», - deya ma'lum qildi prezident.

Uning so‘zlariga ko‘ra, Osiyoda kollektiv xavfsizlik tashkilotini ham yaratish zarur.

Eslatib o‘tamiz, avvalroq Nazarboyev O‘zbekistonning kelajagi va «umumiy muammolar» haqida gapirgandi.