Maduro prezidentligi vaqtida Venesuelani 4 mlndan ko‘proq odam tark etdi

Nikolas Maduro 2013 yil bahorida Venesuela prezidenti bo‘lgandan keyin mamlakatni 4 mlndan ko‘proq venesuelalik tark etgan. Venesuelaning Consultores 21 tahliliy kompaniyasining bunday ma'lumotlarini Nacional nashri o‘z saytida keltirib o‘tdi.

Kompaniya prognoziga ko‘ra, joriy yil oxirigacha venesuelalik muhojirlar soni 4,.6 mln nafardan ortadi.

Taqqoslash uchun, Ugo Chaves prezidentligi vaqtida (1999-2013 yillar) Venesueladan 0,8 mlndan kamroq odam ketgan. Rasmiy ma'lumotlarga ko‘ra, Venesuelaning aholisi soni 31,5 mlndan oshadi.  

Venesuela oxirgi yillarda o‘tkir ijtimoiy-iqtisodiy inqirozni boshdan kechirmoqda.  BMTning qochqinlar ishlari bo‘yicha oliy komissari boshqarmasi va Xalqaro migratsiya tashkiloti avvalroq venesuelalik muhojirlar va qochqinlar soni  3 mlnga yetganini ma'lum qilgandi. Ulardan 2,4 mln nafari Lotin Amerikasi va Karib havzasi davlatlarida, qolganlari boshqa joylarda qo‘nim topgan.

Biroq Venesuela hukumati mamlakatda gumanitar inqiroz mavjudligini tan olmay keladi.