Toshkentning ba'zi tumanlarida 22 noyabr kuni issiqlik energiyasi va issiq suv ta'minoti vaqtincha to‘xtatiladi

2018 yil 22 noyabr kuni soat 10:00dan 18:00gacha, «Toshkent HETK» AJning 110 kVt L-6-O havo elektr tarmog‘idagi 3-sonli tayanchi avariyasini ta'mirlash maqsadida 10-Issiqlik markaziga kelayotgan yuqori kuchlanishli elektr tarmog‘i o‘chirilishi rejalashtirilmoqda.

Toshkent shahar hokimligi matbuot xizmati xabariga ko‘ra, ushbu 10-Issiqlik markazi o‘chirilishi natijasida Shayxontohur tumani Ibn-Sino va Jarariq mavzelarida hamda Olmazor tumanining Qora-qamish 2/4, 2/3, Tansiqboyev-1, 2, 3, 4, Shifokorlar, TashGU-PI, Olimpiya, Chimboy mavzelarida va Talabalar shaharchasida issiqlik energiyasi va issiq suv ta'minoti vaqtincha to‘xtatiladi.

«Toshissiqquvvati» DUK poytaxtimiz aholisi va mehmonlaridan yetkaziladigan noqulayliklar uchun uzr so‘raydi», - deyiladi xabarda.