Ukraina tashqi ishlar vazirligi rahbari Pavel Klimkinning aytishicha, u Rossiya tomoni bilan diplomatik aloqalarni to‘xtatish tarafdoridir. Bu haqda vazir «1+1» telekanali efirida ma'lum qildi.
Vazirning so‘zlariga ko‘ra, so‘nggi vaqtlarda Ukraina Rossiya bilan «48ta ikki tomonlama bitimni o‘ldirdi» hamda yana qariyb 40tasini bekor qilmoqchi.
«Mening fikrimcha, shaxsan va ruhiy jihatdan, bizga Rossiya Federatsiyasi bilan diplomatik aloqalar umuman kerak emas», - dedi Klimkin.
Uning qo‘shimcha qilishicha, shu bilan birga, Rossiya hududidagi ukrainaliklar haqida unutmaslik kerak. Klimkinning aniqlik kiritishicha, Rossiyada qariyb 3,5 million ukrainalik bor. Bundan tashqari, ikki davlat o‘rtasida chegarani kesib o‘tish ko‘rsatkichining o‘sishi ham kuzatildi.
Eslatib o‘tamiz, avvalroq Poroshenko Putin haqida ochiq gapirgandi.
