Qirg‘iziston prezidenti O‘zbekistondagi yangi elchini tayinlash to‘g‘risidagi farmonni imzoladi. Bu haqda davlat rahbari matbuot xizmati xabar bermoqda.
Matbuot xizmati ma'lumotlariga ko‘ra, Sooronbay Jeenbekov imzolagan farmon bilan Ibrohim Kojonazarovich Junusov Qirg‘iziston Respublikasining O‘zbekistondagi favqulodda va muxtor elchisi etib tayinlandi.
Eslatib o‘tamiz, Junusov 2014 yil sentabr oyidan beri Qirg‘izistonning Turkiyadagi elchisi lavozimini egallagan. Qirg‘izistonning O‘zbekistondagi avvalgi elchisi Doniyor Sidiqov 5 mart kuni Qirg‘iziston prezidenti apparati tashqi siyosat bo‘limi mudiri etib tayinlandi.
Qirg‘izistondagi ayrim ommaviy axborot vositalari xabariga ko‘ra, Ibrohim Junusov mamlakatda qo‘shiqchi sifatida ham tanilgan.
