Poroshenko: Ukraina Kerch bo‘g‘ozidagi hodisa tufayli G‘arbdan aniq harakatlarni kutmoqda

Ukraina prezidenti Pyotr Poroshenkoning ma'lum qilishicha, Kerch bo‘g‘ozidagi voqeadan so‘ng, mamlakat G‘arbdan aniq harakatlarni kutmoqda. Bu haqda siyosatchi Bloomberg'ga bergan intervyusida aytib o‘tdi.

Uning so‘zlariga ko‘ra, G‘arb mamlakatlari tomonidan ushbu hodisa tufayli qilingan bayonotlar Ukraina tomonining «kuchli qo‘llab-quvvatlanishi»dir.

«Ammo, mening fikrimcha, G‘arbdagi sheriklar qat'iy bayonot bilan chiqishayotgan bir paytda, Rossiya prezidenti Vladimir Putin - harakat qilmoqda», - dedi Poroshenko.

Uning qo‘shimcha qilishicha, Rossiyaga qarshi yangi «Azov sanksiyalari» joriy etilishi, shuningdek, mintaqada NATOning ishtiroki kengayishi mumkin.

Eslatib o‘tamiz, avvalroq Poroshenko Rossiya qanday holatga tushib qolganini aytgandi.

Ukraina prezidenti Pyotr Poroshenko ICTV telekanali efirida ma'lum qilishicha, Rossiya «total yakkalatib qo‘yilgan» holatda, Ukraina esa, aksincha, xalqaro arenadagi «faol o‘yinchi» hisoblanadi.