Professional bokschimiz Shohjahon Ergashev Rossiyaning Krasnodar shahrida navbatdagi jangini o‘tkazdi.

Milliy olimpiya qo‘mitasi xabariga ko‘ra, mazkur bahsda hamyurtimizga argentinalik Nazareno Gaston Ruiz raqiblik qildi. 

Jang muddatidan oldin yakunlandi. Bahsni ketma-ket zarbalar bilan boshlagan bokschimiz 18-soniyadayoq raqibini nokaut holatiga tushirdi.

Ma'lumot uchun, bu Shohjahon uchun professional ringdagi 16-jang bo‘ldi. Ergashev ularning barchasida g‘alaba qozongan. Bahslarning 15 tasida u raqiblarini muddatidan oldin mag‘lub etgan. 

Ruizning o‘tkazgan janglari soni 50 taga yetdi. Argentinalik bokschi ularning 32 tasiga g‘alaba qozongan (11 ta nokaut). 18 marotaba imkoniyatni boy bergan (3 ta nokaut).