Qashqadaryo viloyatining Yakkabog‘ tumani kompleks rivojlantiriladi

Ishchi guruh (Ro‘ziyev):

davlat va xo‘jalik boshqaruvi organlari hamda mahalliy ijro etuvchi hokimiyat organlari tomonidan Dasturda nazarda tutilgan:

chora-tadbirlarning belgilangan muddatlarda amalga oshirilishini tahlil qilib boradi va muvofiqlashtiradi;

barcha parametrlar bo‘yicha monitoring olib borilishini tashkil etadi va har oyda tizimli ravishda muammoli masalalarni ko‘rib chiqadi, ularni hal etish yuzasidan tezkor va amaliy choralar ko‘radi;

zarurat bo‘lganda, tayyorlangan va belgilangan tartibda kelishilgan loyiha hujjatlari mavjud bo‘lgan taqdirda Investitsiyalar bo‘yicha davlat qo‘mitasi bilan kelishilgan holda Dasturga tegishli o‘zgartirishlar kiritadi.

“O‘zqurilishmateriallari” AJ (Zaripov), Qashqadaryo viloyati hokimligi (Ro‘ziyev) tegishli tijorat banklari va loyiha tashabbuskorlari bilan birgalikda 2019 yilda Yakkabog‘ tumanida pishiq g‘isht ishlab chiqarish bo‘yicha 10 ta loyihani amalga oshirilishini ta'minlaydi;

ushbu loyihalarga biriktirilgan tijorat banklari loyihalarning ijtimoiy ahamiyatini inobatga olgan holda o‘rnatilgan tartibda imtiyozli asoslarda kreditlar ajratadi;

O‘zbekiston Respublikasi Geologiya va mineral resurslar davlat qo‘mitasi (Islamov) o‘rnatilgan tartibda ushbu loyihalar uchun tegishli konlardan foydalanish huquqini beruvchi litsenziyalarning rasmiylashtirilishini ta'minlaydi.

Madaniyat vazirligi (Sayfullayev), O‘zbekiston yoshlar ittifoqi (Quronboyev va Turizmni rivojlantirish davlat qo‘mitasi (Aqqulov), Qurilish vazirligi (To‘xtayev) bilan birgalikda Yakkabog‘ tumani Xo‘jailg‘or qishlog‘idagi “Amir Temur tug‘ilgan yurt” ramziy majmuasini tashkil qilish hamda yosh avlodni vatanparvarlik va milliy qadriyatlarni targ‘ib qilish maskaniga aylantirish konsepsiyasini ishlab chiqib Vazirlar Mahkamasiga kiritilishini ta'minlaydi.

Tijorat banklariga Dasturga kiritilgan investitsiya loyihalarini moliyalashtirish, respublikada ishlab chiqarilmaydigan asbob-uskunalar va ularga butlovchi buyumlarni xarid qilish uchun belgilangan tartibda kreditlar, shu jumladan chet el valyutasidagi kreditlar ajratish tavsiya etildi.

O‘zbekiston Respublikasi Investitsiyalar bo‘yicha davlat qo‘mitasi Moliya vazirligi, Iqtisodiyot vazirligi bilan birgalikda 2019-2020 yillarda O‘zbekiston Respublikasining rivojlanish davlat dasturlarini shakllantirishda ularga mazkur dasturda qayd etilgan loyihalarning kiritilishini ta'minlaydi.

O‘zbekiston Respublikasi Qurilish vazirligi Dasturga kiritilgan obektlar loyiha-smeta hujjatlarining sifatli davlat ekspertizasidan o‘tkazilishini va qurilish-montaj ishlarini bajarish uchun tegishli ruxsatnomalar Davlat xizmatlari markazlari orqali qonunchilikda belgilangan muddatlarda berilishini ta'minlaydi.

“O‘ztransgaz” AJ, “O‘zbekenergo” AJ Qashqadaryo viloyati hokimligi bilan birgalikda Dastur doirasida investitsiya loyihalarini amalga oshiruvchi ishlab chiqarish korxonalarini tabiiy gaz va elektr uzatish tarmoqlariga o‘z vaqtida ulanishini hamda ularga mavjud resurs va texnik imkoniyatlardan kelib chiqib, tabiiy gaz va elektr energiyasi o‘rnatilgan tartibda yetkazib berilishini ta'minlaydi.

O‘zbekiston Respublikasi Investitsiyalar bo‘yicha davlat qo‘mitasi, Iqtisodiyot vazirligi va Moliya vazirligi har yili O‘zbekiston Respublikasining rivojlanish davlat dasturini shakllantirishda ushbu qarorda nazarda tutilgan markazlashtirilgan manbalar mablag‘lari hisobidan moliyalashtiriladigan, shu jumladan hududlar va iqtisodiyot tarmoqlarini rivojlantirish bo‘yicha loyihalarning O‘zbekiston Respublikasi Prezidentining “O‘zbekiston Respublikasining rivojlanish davlat dasturlarini shakllantirish va moliyalashtirishning yangi tartibini joriy etish to‘g‘risida” 2017 yil 18 dekabrdagi PQ-3437-son qaroriga muvofiq, jamg‘arma kuzatuv kengashining ijobiy qaroriga asosan belgilangan tartibda kiritilishini ta'minlaydi.

Qashqadaryo viloyati (Ro‘ziyev) va Yakkabog‘ tumani (Donayev) hokimliklari har chorak yakuni bilan hududlarni kompleks ijtimoiy-iqtisodiy rivojlantirish bo‘yicha sektorlar kesimida Dasturdagi tadbirlarning o‘z vaqtida va sifatli bajarilishi bo‘yicha loyiha tashabbuskorlari faoliyatining natijadorligi yuzasidan viloyat va tuman faollari yig‘ilishlarida muhokama qiladilar hamda amalga oshirilgan ishlar to‘g‘risida Vazirlar Mahkamasiga axborot kiritib boradilar.