«Burilish nuqtasi bo‘ladi». Janubiy Koreya prezidenti Tramp va Kim Chen Inning uchrashuvi haqida gapirdi

Janubiy Koreya prezidenti Mun Chje Inning ma'lum qilishicha, Shimoliy Koreya yetakchisi Kim Chen In va AQSh rahbari Donald Tramp uchrashuvi «yaqin orada» yuz beradi. Bu haqda Reuters xabar qilmoqda.

Shuningdek, Janubiy Koreya yetakchisining umid bildirishicha, AQSh va KXDR ikkinchi sammiti mamlakatlar o‘rtasidagi munosabatlarda «burilish nuqtasi» bo‘lishi mumkin.

Bundan tashqari, Mun Chje Inning bildirishicha, Koreya Respublikasi KXDR va Qo‘shma Shtatlar o‘rtasida aloqalarni o‘rnatishga yordam berishga tayyordir.

Eslatib o‘tamiz, avvalroq KXDR Janubiy Koreya va AQSh harbiy mashqlari to‘xtatilishini talab qilgandi.