Yarim og‘ir vazn toifasida sobiq jahon chempioni Sergey Kovalyov AQShda ayolni do‘pposlashda ayblanmoqda.
Voqea iyun boshida yuz bergan. Jabrlanuvchi ayolning aytishicha, bokschi bir bazmda unga xushomad qilgan, biroq rad javobini olgach, ayolga nisbatan kuch ishlatgan. Oqibatda ayolning burni singan, miyasi chayqalgan va bo‘yin diski siljigan.
Politsiya bokschini darhol qo‘lga olgan. Dastlabki sud jarayonida rossiyalik aybini tan olmagan. Keyingi sud jarayoni mart oyiga ko‘chirilgan. Kovalyov ushbu qilmish uchun 4 yilgacha ozodlikdan mahrum etilishi mumkin.
Rossiyalik professional ringda 36 ta jang o‘tkazib, 32 tasida g‘alaba qozongan. Kovalyov so‘nggi jangida kolumbiyalik Eleyder Alvaresga mag‘lub bo‘lib, WBO chempionlik kamarini boy bergan. Fevralda uning Alvaresga qarshi revansh jangi o‘tkazishi belgilangan.
