Joriy yilning 1 fevral kuni Farg‘ona viloyati Bog‘dod tumani IIB xodimi viloyat IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
U O‘zbekiston Respublikasi Jinoyat kodeksining 223-moddasi (qonunga xilof ravishda chet elga chiqish yoki O‘zbekiston Respublikasiga kirish) bilan ayblanib, qidiruvda bo‘lgan Bordon qishlog‘ida yashovchi G.R. ismli ayol shu yilning 1 fevral kuni tuman hududida ushlangan vaqtida uning Qo‘qon shahrida yashovchi D.I. ismli ayol tanishi ishni ijobiy hal qilib berishni so‘rab, evaziga 200 AQSh dollarini pora sifatida taklif qilayotganligini ma'lum qilgan.
Ushbu bildirgi yuzasidan Bog‘dod tumani ichki ishlar va prokuratura organlari xodimlari tomonidan o‘tkazilgan tezkor tadbir natijasida D.I. xodimga xizmat xonasida ma'lum miqdordagi pulni pora sifatida berayotgan vaqtida qo‘lga olingan. Holat yuzasidan dastlabki tergovoldi harakatlari olib borilmoqda.
