8395.15 USD -6.38

9510.03 EUR -113.08

127.67 RUB -0.68

10869.2 GBP -122.52

09:00 / 10.02.2019 5471

Дортмундда драма. «Боруссия» 3:0 ҳисобидаги устунликни бой берди ва «Бавария»ни яқинлаштириб олди

Бундеслиганинг 21-турида Дортмунднинг «Боруссия» клуби «Ҳоффенҳайм»ни қабул қилди. Дортмунддаги «Сигнал Идуна Парк» стадионида кечган учрашувда 3:3 ҳисоби қайд этилди.

Биринчи бўлимда «Боруссия» иккита гол урди — Жейдон Санчо ва Марио Гётце ўз номларини таблога ёздиришди. Иккинчи бўлим бошида мезбонлар ҳимоячиси Рафаэл Геррейру учинчи голни урди. Иккинчи бўлим ўрталарида эса «Ҳоффенҳайм» ҳужумчиси Исак Бельфодиль ҳисобни қисқартирди. Кейинги 12 дақиқа ичида Павел Кадержабек ва Бельфодиль биттадан гол уриб, учрашувда дуранг ҳисоб қайд этилишини таъминлашди.

Бу дурангдан кейин «Боруссия» очколари сонини 50тага етказган ҳолда турнир жадвалидаги пешқадамликни давом эттирмоқда, «Ҳоффенҳайм» 30 очко билан 9-ўринда жойлашган.

Бу турда «Бавария» «Шальке-04»ни қабул қилди. Мюнхендаги «Альянц-Арена» стадионида кечган учрашув майдон эгаларининг 3:1 ҳисобидаги ғалабаси билан тугади.

Ўйинда ҳисобни «Шальке-04» ҳимоячиси Жеффри Брума 11-дақиқасида тўпни ўз жамоаси дарвозасига йўллаб қўйиб очди. Биринчи бўлим ўрталарида меҳмонлар ҳужумчиси Ахмед Кутуджу ҳисобни тенглаштирди. Икки дақиқа ўтиб, Роберт Левандовски «Бавария»ни яна олдинга бошлади. Иккинчи бўлим бошида Серж Гнабри мюнхенликлар ғалабасини таъминловчи голни урди.

Бу ғалабадан кейин «Бавария» очколари сонини 45тага етказган ва Германия чемпионати турнир жадвалидаги иккинчи ўринни мустаҳкамлаган. Нико Ковач шогирдлари «Боруссия» Дортмунд билани орадаги фарқни қисқартирган, энди пешқадам билан орадаги фарқ 5 очкога тенг.

Opta Sports маълумотига кўра, Бундеслига тарихида фақат бир клуб 21 турда камида 50 очко тўплагани ҳолида чемпион бўла олмаган.

1971/72 йилги мавсумда «Шальке» 21 турдан кейин 50 очко жамғариб, «Бавария»ни 5 очкога ортда қолдирганди, аммо якунда биринчиликни бой берган.

21-тур доирасидаги бошқа ўйинларда «РБ Лейпциг» «Айнтрахт»ни енга олмади (0:0), «Боруссия» М ўз уйида «Ҳерта»га мағлуб бўлди (0:3), «Ҳанновер-96» «Нюрнберг»дан устун келди (2:0), «Фрайбург» ва «Вольфсбург» ҳам учтадан гол уриб, дурангга келишишди (3:3).

Германия Бундеслигаси
21-тур
Боруссия Д – Ҳоффенҳайм 3:3 (2:0, 1:3)
Голлар: 1:0 – 32 Санчо, 2:0 – 43 Гетце, 3:0 – 66 Геррейру, 3:1 – 75 Бельфодиль, 3:2 – 83 Кадержабек, 3:3 – 87 Бельфодиль.
Боруссия Д – Бюрки, Пишчек, Вайгль, Диалло, Хакими, Дауд, Витцель, Санчо, Филипп (Пако Алькасер, 70), Геррейру (Вольф, 90), Гетце (Топрак, 83).
Ҳоффенҳайм – Бауманн, Бичакчич, Пош, Хюбнер, Гриллич, Кадержабек, Шульц, Битенкур (Нелсон, 70), Демирбай (Гайгер, 46), Жоэлинтон, Крамарич (Бельфодиль, 46).
Огоҳлантиришлар: Гриллич (28), Демирбай (40), Гайгер (89).

Бавария – Шальке 3:1 (2:1, 1:0)
Голлар: 1:0 – 11, автогол Брума, 1:1 – 25 Кутуджу, 2:1 – 27 Левандовски, 3:1 – 57 Гнабри.
Бавария – Ульрайх, Киммих, Боатенг, Хуммельс, Алаба, Горетцка, Алькантара, Хамес (Мартинес, 78), Гнабри (Дэвис, 89), Левандовски, Коман (Рибери, 68).
Шальке – Фэрманн, Калиджури, Сане, Брума, Очипка, Маккенни, Руди (Маскарель, 33), Сердар (Харит, 54), Бенталеб, Коноплянка, Кутуджу (Ут, 73).
Огоҳлантиришлар: Левандовски (34), Калиджури (45), Брума (85).

РБ Лейпциг – Айнтрахт Ф 0:0 (0:0, 0:0)
РБ Лейпциг – Гулачи, Мукиеле, Ильзанкер, Орбан, Демме, Забитцер (Адамс, 90), Лаймер (Форсберг, 67), Клостерманн, Хальстенберг, Поульсен, Вернер (Матеус Кунья, 85).
Айнтрахт Ф – Трапп, Хинтереггер, Хасебе, Ндика, да Кошта, Фернандес, Роде (Гачинович, 60), Костич, Йович, Аллер, Ребич (Виллемс, 77).
Огоҳлантиришлар: Орбан (24), Лаймер (26), Фернандес (28), Ильзанкер (54), Забитцер (83), Виллемс (84). 

Боруссия М – Ҳерта 0:3 (0:1, 0:2)
Голлар: 0:1 – 30 Калу, 0:2 – 56 Дуда, 0:3 – 76 Зельке.
Боруссия М – Зоммер, Ланг (Херрманн, 64), Гинтер, Эльведи, Вендт, Нойхаус, Штробль (Крамер, 81), Хофманн (Кюизанс, 34), Азар, Штиндль, Плеа.
Ҳерта – Ярстейн, Штарк, Рекик, Торунарига, Клюнтер, Груйич, Лустенбергер, Миттельштедт, Дуда (Дарида, 88), Зельке, Калу.
Огоҳлантиришлар: Груйич (7), Торунарига (64).

Ҳанновер – Нюрнберг 2:0 (1:0, 1:0)
Голлар: 1:0 – 45 Мюллер, 2:0 – 77 Мюллер.
Ҳанновер – Эссер, Корб, Акпогума (Виммер, 44), Антон, Остжолек, Мюллер (Фоссум, 78), Бакалож, Уолас, Харагути, Вайдандт (Вуд, 63), Жонатас.
Нюрнберг – Матения, Валентини (Исхак, 88), Мюль, Эвертон, Ляйбольд, Паласиос-Мартинес (Фукс, 60), Беренс, Райн, Матеус Перейра, Кнелль (Кубо, 76), Зреляк.
Огоҳлантиришлар: Уолас (28), Бакалож (33), Зреляк (68), Матеус Перейра (72).
Четлатиш: Райн (11).

Фрайбург – Вольфсбург 3:3 (1:1, 2:2)
Голлар: 0:1 – 11 Руссийон, 1:1 – 37 Грифо, 1:2 – 63, пенальти Вегорст, 2:2 – 70 Петерсен, 2:3 – 74 Штеффен, 3:3 – 87 Вальдшмидт.
Фрайбург – Шволов, Кюблер, Линхарт, Хайнц, Гюнтер, Хаберер, Кох, Франтц (Вальдшмидт, 69), Грифо (Терраццино, 90), Петерсен, Нидерлехнер (Хелер, 81).
Вольфсбург – Кастельс, Виллиам, Кнохе, Брукс, Руссийон, Герхардт, Гилавоги, Арнольд, Штеффен (Реджбечай, 79), Вегорст (Клаус, 90), Брекало (Удуохай, 90).
Огоҳлантиришлар: Нидерлехнер (34), Гилавоги (38), Хаберер (61), Кох (62), Виллиам (69).

Top