Homilador kelinoyisini pichoqlagan yigitga sud hukmi o‘qildi

12 fevral kuni Jinoyat ishlari bo‘yicha Toshkent shahar sudi binosida homilador kelinoyisini pichoqlagan 21 yoshli yigitga nisbatan sud hukmi o‘qildi. Unga ko‘ra, yigit  Jinoyat Kodeksining qator moddalariga muvofiq 15 yil muddatga ozodlikdan mahrum etildi. Xotin-qizlar qo‘mitasi matbuot xizmati Kun.uz’ga shu haqida xabar berdi.

Yuz bergan hodisa mudhish tugashi mumkin edi, biroq besh soat davom etgan jarrohlik amaliyoti ayolni hayotga qaytardi - ona ham,  homila ham saqlab qolingan. Ayol shu kunlarda farzandini dunyoga keltirishi kutilmoqda.

Bundan avval O‘zbekiston Respublikasi Xotin-qizlar qo‘mitasi o‘z tashabbusi bilan qayinukasi tomonidan 16 marta pichoq sanchilgan homilador ayolning sud jarayonida jamoatchi himoyachi sifatida ishtirok etayotgani haqida avval xabar berilgan edi.