Shohjahon Ergashev IBF chempionlik kamari uchun jang qiladi

Foto: Round By Round Boxing

Professional boksning super yengil (-63,5 kg) vazn toifasida ringga chiqayotgan Shohjahon Ergashev (15-0, 14 KO) 15 fevral kuni o‘zining navbatdagi jangini o‘tkazadi.

Shu kuni Shohjahonga amerikalik yengilmas bokschi Maykal Foks (19-0, 5KO) raqiblik qiladi. Jang AQShning Kanzas shtatining Mulveyn shahridagi «Kanzas Star» arenasida o‘tkaziladi.

GoSport.uz internet-nashri manbalari bergan xabarga ko‘ra, mazkur bellashuv super yengil vazn toifasining IBF International chempionlik kamari uchun kechadi. Jang 10 raundga mo‘ljallangan.

Shohjahon Ergashev IBF yo‘nalishining yanvar oyi uchun yangilangan reytingida bir pog‘ona ko‘tarilib, 11-o‘ringa joylashgan. Foks esa nufuzli yo‘nalishlar reytingida qayd qilinmagan.

Eslatib o‘tamiz, oldinroq, Shohjahon Ergashevdan WBA International kamari olib qo‘yilgan haqida xabar berilgandi.

#boks #Shohjahon Ergashev