Joriy yilning 16 fevral kuni “Maʼrifat” gazetasida “Zominlik o‘qituvchilar maoshi nega kechikyapti?” nomli maqola chop etilgan.
Xalq ta'limi vazirligi axborot xizmati xabariga ko‘ra, o‘qituvchilarga naqd pul berish Xalq ta'limi vazirligi va hududiy boshqarmalari vakolatiga kirmasa-da, vazirlik vakolati doirasida gazetada chop etilgan Zomin tumanidagi o‘qituvchilar murojaatlarini o‘rganib chiqqan. Mahalliy banklar naqd pul yetkazib berish uchun mas'ul ekanligi ta'kidlangan.
«Shu o‘rinda mahalliy banklar naqd pul yetkazib berish uchun mas'ul ekanligini ta'kidlashimiz lozim», - deyiladi vazirlik xabarida.
Murojaat yuzasidan Jizzax viloyati hokimiyati vakillari bergan ma'lumotga ko‘ra, bu kabi holatlarni yuzaga kelishiga sabab mahalliy banklarda naqd pul muammosi bo‘lgan.
«Ammo bugungi kunda bu masala ijobiy hal etilgan. Ayni vaqtda barcha o‘qituvchilar oylik maoshlarini naqd pul bilan olishgan», - deyiladi xabarda.
