8535.74 USD +17.06

9566 EUR -86.52

132.57 RUB +1.24

10746.5 GBP -101.19

07:40 / 25.02.2019 8426

Колумбиялик дипломатлар Венесуэлани пиёда тарк этдилар

Фото: РИА Новости / Михаил Алаеддин

4 нафар колумбиялик дипломат оилалари билан бирга Венесуэла ҳудудини тарк этди. Бу ҳақда Колумбия миграция хизмати маълум қилди. 

Дипломатлар Колумбиянинг Сан-Антонио, Сан-Кристобал, Пуэрто-Аякучо ва Сан-Карлос-дель-Сулиядаги консулликларини бошқаришган. Дипломатлар Венесуэлани Сан-Антониодаги чегара орқали полиция ҳамроҳлигида пиёда тарк этганлар.

23 февралда Венесуэла президенти Николас Мадуро Колумбия билан дипломатик ва сиёсий алоқалар узилишини эълон қилган ва колумбиялик дипломатларга мамлакатни 24 соат ичида тарк этишни буюрган. 

Шу тариқа Венесуэладаги 5 млндан кўпроқ колумбиялик дипломатик кўмаксиз қолиб кетди.

Мадуро алоқалар узилишидан ташқари, “тинчликни муҳофаза қилиш ва одамлар хавфсизлигини таъминлаш учун” Колумбия билан чегарада қўшинларни жойлаштиришни буюрган.

Top