OAV: Britaniyada 15 nafar vazir Brexit tufayli iste'foga chiqishga tayyor

Buyuk Britaniya bosh vaziri Tereza Mey vazirlarning ommaviy bosh ko‘tarishi bilan to‘qnash kelishi mumkin - agar u YeI bilan kelishuvsiz Brexit’ga borsa (Yevropa ittifoqidan chiqish), kamida 15 kishi iste'foga chiqishga tayyor. Bu haqda Daily Mail yozmoqda.

Nashr ma'lumotlariga ko‘ra, Mey ommaviy iste'foga yo‘l qo‘ymaslik va YeIdan kelishuvsiz chiqib ketishdan voz kechishga tayyor. Kuni kecha britaniyalik 23 nafar qonun chiqaruvchi maxfiy uchrashuv o‘tkazib, Brexit’ning kelishuvsiz ssenariysini qanday qilib to‘xtatishni muhokama qilgan. Britaniya parlamenti a'zolari agar Mey kelishuvi rad etilsa, bosh vazirdan Brexit kechiktirilishiga erishmoqchi.

Nashrning qayd etishicha, ular orasida biznes ishlari bo‘yicha vazir Greg Klark, adliya vaziri Devid Gauke, shuningdek, mehnat va pensiyalar vaziri Ember Radd ham bor. Tori partiyasi boshqa a'zolari ham kelishuvsiz Brexit’ga yo‘l qo‘ymaslik uchun iste'foga chiqishga tayyor turibdi. Partiyaning 25 nafar a'zosi ham Meyga qarshi «qo‘zg‘olon»ni qo‘llab-quvvatlashi mumkin, deb yozadi nashr.

Konservativ partiyadagi manbaning so‘zlariga ko‘ra, agar 20 nafar vazir iste'foga chiqsa, bu «Britaniya hukumati uchun juda yomon oqibatlarga olib keladi».

Eslatib o‘tamiz, avvalroq OAV Britaniya hukumati Brexit’ni kechiktirishga qaror qilgani haqida xabar bergandi.