Hindiston bosh vaziri Narendra Modining ma'lum qilishicha, mamlakat dushmanlari vaziyatni beqarorlashtirish uchun teraktlar va fitnalardan foydalanmoqda. Uning so‘zlari Associated Press tomonidan keltirilgan.
«Hindiston kurashadi, yashaydi, mehnat qiladi va g‘alaba qozonadi», - dedi u, hukmron Hind xalq partiyasi vakillari oldida chiqish qilib.
Agentlikning ta'kidlashicha, bosh vazir Pokiston bilan Kashmirdagi ziddiyat haqida gapirmagan. Shu bilan birga, partiya a'zolari qo‘shni mamlakatga yangi zarbalar berish kerakligini aytishgan.
Bundan tashqari, Hindiston Mudofaa vazirligidagi manbalarning bildirishicha, Islomobod «Jaysh-a-Muhammad» terrorchilik guruhi yetakchilarini o‘z hududida yashiryapti.
Eslatib o‘tamiz, avvalroq Pokiston va Hindiston yana bir-biriga o‘t ochgandi.
Undan oldin esa Pokiston Hindistonning ikkita harbiy samolyotini urib tushirgandi. Shundan so‘ng, Hindiston javob qaytarib, Pokistonning qiruvchi samolyotini urib tushirdi.
