Pokiston 27 fevral kuni havo jangidan so‘ng asirga tushgan hindistonlik uchuvchini qaytarib beradi. OAV ma'lumotiga ko‘ra, uchuvchi hozirda Hindiston elchixonasida bo‘lib, bir necha soatdan so‘ng Vagax chegara maskanida uni topshirish jarayoni bo‘lib o‘tadi.
Xabarlarga ko‘ra, 27 fevralda Hindiston va Pokiston harbiy aviatsiyasi o‘rtasida yuz bergan havo jangida umumiy hisobda 32 ta harbiy samolyot ishtirok etgan.
Ma'lum qilinishicha, Pokiston samolyotlari Kashmirdagi tutashuv chizig‘i bo‘ylab joylashgan harbiy obektlar yaqinidagi hududni bombardimon qilgandan keyin hind uchuvchilari tomonidan ta'qib qilingan.
Hindiston aviatsiya bo‘limi komandiri Abxinandan Vartxaman R-73 raketasi bilan F-16’ga hujum qilgan, biroq uning MiG-21 samolyoti AIM-120 AMRAAM raketasi tomonidan zarbaga uchragan. Vartxaman katapulta qilgan, biroq pokistonliklar tomonidan qo‘lga olingan.
