AQSh Boeing’ga 737 MAX 8 laynerlari bo‘yicha talab qo‘yadi

AQSh Federal aviatsiya boshqarmasi Efiopiyadagi aviahalokat tufayli Boeing’ga 737 MAX 8 va 737 MAX 9 samolyotlarini modernizatsiya qilish majburiyatini yuklashni rejalashtirmoqda. Bu haqda idora saytida ma'lum qilindi.

Boshqarma ma'lumotlariga ko‘ra, ba'zi hisobotlar Efiopiya va Indoneziyada Boeing laynerlarining qulashi bir-biriga o‘xshash ekanini ko‘rsatmoqda.

Shuningdek, idoradan qo‘shimcha qilishlaricha, boshqarma hech qanday xulosa chiqara olmaydi.

Bundan oldin, Xitoy Boeing 737 MAX’ni vaqtincha taqiqlashga qaror qilgandi.

Xitoy kompaniyalari tomonidan qariyb 60ta shunday samolyot ishlatiladi. «Interfaks» xabariga qaraganda, ularning o‘rniga Boeing 737-800’dan foydalanish tavsiya etilmoqda. Boeing kompaniyasi vaziyatga izoh bermadi.