Foto: KUN.UZ
Ijtimoiy tarmoqlar foydalanuvchilari gohida “102” raqamiga qo‘ng‘iroq qilib bo‘lmasligi, ba'zida “band” bo‘lsa, ba'zida operatorlar qo‘ng‘iroqqa javob berishmasligi haqida ma'lum qilishdi.
Toshkent shahar IIBB xabariga ko‘ra, “102” tezkor raqamiga qo‘ng‘iroqlarni qabul qilish va ushlab turish tizimini takomillashtirish bo‘yicha ishlar olib borilmoqda.
Ishlar tugaguniga qadar, fuqarolar qulayligi uchun navbatchilik qismida ikkita qo‘shimcha telefon raqamlari ajratildi. Ularga qo‘ng‘iroq qilib, hodisa va jinoyatlar haqida xabar berish mumkin.
Raqamlar: 71-232-30-40 va 71-232-40-50. Bildirilishicha, har qanday murojaat bo‘yicha choralar tezda ko‘riladi.
