Халқаро олимпиаданинг мазкур йўналишида Ўзбекистон Мудофаа вазирлигига қарашли олий ҳарбий таълим муассасаларидан ҳам вакиллар иштирок этмоқда.
Эслатиб ўтамиз, 2018 йилда Россиянинг Санкт-Петербург шаҳрида информатика фани бўйича бўлиб ўтган баҳсларда ал-Хоразмий номидаги Тошкент ахборот технологиялари университетининг Махсус факультети (ҳозирги Мудофаа вазирлиги Ахборот-коммуникация технологиялари ва алоқа ҳарбий институти) курсантларидан иборат жамоа биринчи бор иштирок этишига қарамай 3-ўринни қўлга киритган эди.
Олимпиаданинг навбатдаги йўналишлари бўйича беллашувлар 24—29 март кунлари Арманистоннинг Дилижон шаҳрида Инглиз тили бўйича (Ахборот-коммуникация технологиялари ва алоқа ҳарбий институти жамоаси), 20—25 апрель кунлари Қозоғистоннинг Караганда шаҳрида математика фани бўйича ҳамда Россиянинг Рязань шаҳрида Ҳарбий-касбий тайёргарлик бўйича (Қуролли Кучлар академияси жамоаси) бўлиб ўтади.
Таъкидлаш керакки, 19—23 март кунлари Санкт-Петербург шаҳрида олий таълимгача муассасалар ўқувчиларининг математика ва физика фанларидан I ҳалқаро олимпиадаси ҳам ўтказилиши кўзда тутилган. Унда Мудофаа вазирлигига қарашли Фарғона, Урганч ва Самарқанд «Темурбеклар мактаблари»нинг ўқувчилари ҳам биринчи марта иштирок этади.
