Innovatsion rivojlaniş vazirligi aholida saqlanayotgan noyob qölyozma, toşbosma kitoblar va tarixiy hujjatlarni sotib olmoqda

Institut fondiga qabul qilingan noyob manbalar sirasiga kiruvçi Alişer Navoiyning “Navoiy devoni”, Abdurahmon Jomiyning “Nafaxot al-unus”, Sa'diy Şeroziyning “Şavqi guliston”, Muhammad bin Yusuf Samarqandiyning “Saloti Mas'udiy”, Bedilning “Kulliyoti Bedil”, Yoqub Çarxiyning XVI asrga oid “Tafsiri Mavlono Ya'qub Çarxiy”, Muhammad Ğazzoliyning “Kimyoi Saodat”, Ahmad Yassaviyning “Hikmat” kabi qölyozma asarlar adabiyot, tarix, qonunşunoslik, islomşunoslik sohalaridagi tadqiqotlar uçun muhim manbalar bölib xizmat qiladi.

– «Original tarixiy hujjatlar borasida ham kutilmagan noyob tarixiy hujjatlar aniqlandi va manbalar xazinasiga qabul qilindi. Odatda original hujjatlarning bir devonxonaga va qoziga tegişli bölgan töplam kolleksiyasi kamdan kam uçraydi», – deb ta'kidladi Abu Rayhon Beruniy nomidagi Şarqşunoslik instituti fondi mudiri Şarifjon Islamov. – Masalan, Buxoro qozilaridan bölgan Mullo Badriddin va Mullo Şarafiddin devonxonalarida rasmiylaştirilgan, 1320-1330 hijriy yillarga tegişli bölgan hujjatlar töplami soha mutaxassislari uçun noyob tadqiqot manbasi bölib xizmat qiladi. Şu bilan birga, tarixiy hujjatlar orasida Hiva xonlaridan Abul-Muzaffar Sayyid Muhammad Rahim Bahodirxonga tegişli 5 ta original tarixiy hujjatlar hijriy 1250-1270 yillarga (XIX asr boşlariga) oiddir.

Özbekiston Respublikasi Prezidentining 2017 yil 24 maydagi PQ-2995-son qarori qabul qilingunga qadar aholi qölida saqlanayotgan manbalarni xarid qilişning moliyaviy imkoniyati yetarli emas edi. Natijada, fuqarolarda noyob manbalarni saqlaş böyiça zarur malaka va imkoniyatning yöqligi bois vaqt ötişi bilan ular jismonan yöqolib borar edi. Endilikda Institut “Qölyozmalar fondi”ga qabul qilingan noyob manbalar xalqaro talablarga muvofiq tarzdagi harorat, namlik va yoruğlik me'yorlari ta'minlangan holda saqlanmoqda.

Xarid qilingan manbalar tarixiy, badiiy, adabiy, diniy va ilmiy ahamiyatga oid manbalar hisoblanadi. Manbalarni sotib oliş orqali ularni ilmiy muomalaga kiritiş, yoş tadqiqotçilarga tadqiqot manbasi sifatida belgilaş ta'minlanadi, aholi qölida zararlaniş va yöqolib ketiş xavfi bartaraf etiladi.