Bloomberg dunyodagi eng «baxtli» va «baxsiz» iqtisodiyotlarni ma'lum qildi

Foto: Ariana Cubillos/AP

Bloomberg dunyodagi eng «baxsiz» iqtisodiyotlarning yangi reytingini e'lon qildi (Misery Index). Reytingga kiritish sababi - kuchli inflatsiyaning yuqori ishsizlik darajasi bilan bog‘liq ekani. Agentlik taxminicha, aynan shu uyg‘unlik hayot darajasini keskin pasaytiradi.

Birinchi o‘rinni Venesuela egalladi, bu yerda, prognozlarga ko‘ra, 2019 yilda inflatsiya 8 million foizdan oshadi. Ikkinchi o‘rinni Argentina egalladi, uchinchi o‘rinda - JAR. Shuningdek, ilk o‘nlikdan Turkiya, Gretsiya, Ukraina, Urugvay, Braziliya, Ispaniya, Saudiya Arabistoni va Serbiya joy oldi.

Bloomberg’ning qayd etishicha, ushbu mamlakatlar iqtisodiy qiyinchiliklarni boshdan kechirmoqda va «narxlarni ushlab turish hamda odamlarni ishga qaytarish bo‘yicha katta o‘zgarishlarni» namoyish etmayapti.

Past inflatsiya kam ishsizlik darajasi bilan uyg‘un bo‘lgan, dunyodagi eng «baxtli» iqtisodiyot deb yana bir bor Tailand tan olindi. Shveytsariya ikkinchi, Yaponiya uchinchi o‘rinni egalladi. Birinchi o‘nlikka Singapur, Tayvan, Malayziya, Chexiya, Gonkong, Isroil va Janubiy Koreya kirgan.