AQSh prezidenti Donald Tramp ma'muriyati "Musulmon birodarlar" xalqaro islomiy harakatini terrorchi tashkilotlar ro‘yxatiga kiritishni so‘ramoqda. Bu haqda New York Post gazetasi xabar berdi.
Nashrning yozishicha, Oq uy diplomatlar va milliy xavfsizlik masalalariga mas'ul idoralar xodimlariga 9 aprelda Oq uyda Misr prezidenti Abdul Fattoh as-Sisiy bilan muzokaralardan so‘ng ushbu masala bilan shug‘ullanishni topshirgan.
Misrda mazkur guruh faoliyati taqiqlangan bo‘lib, "Musulmon birodarlar" terrorchi tashkilotlar ro‘yxatiga kiritilgan.