Zelenskiyning harbiy maslahatchisi Kiyev Donbassni besh yildan so‘ng qaytarib olishini aytdi
Ukrainaning yangi saylangan prezidenti Vladimir Zelenskiyning xavfsizlik va mudofaa ishlari bo‘yicha maslahatchisi Ivan Aparshin Kiyev Donbassni besh yildan so‘ng o‘z nazoratiga qaytarib oladi, deb hisoblaydi.
"Bugungi kunda Donbass besh yilga mo‘ljallangan istiqbol, Qrim hududi esa ancha uzoq istiqbol hisoblanadi. Ammo hududlarimizni harbiy yo‘l bilan qaytarib olish imkoniyatini ko‘rmayapman", - dedi Aparshin "Apostrof" internet nashriga bergan intervyusida.
Uning so‘zlariga ko‘ra, harbiy operatsiya o‘tkazish imkoniyati ko‘rib ham chiqilmaydi.
"Men harbiy operatsiyani rejalashtirishim mumkin. operatsiyani o‘tkaza oladigan odamlarni ham bilaman. Ammo hech kimga hududlarimizni harbiy operatsiya yo‘li bilan qaytarib olish imkoniyatini ko‘rib chiqishni maslahat bermagan bo‘lardim. Yo‘qotishlar katta bo‘ladi", - deb qo‘shib qo‘ydi Aparshin.
Uning fikricha, Kiyev bunday operatsiya boshlashi bilan undan barcha hamkorlari yuz o‘giradi.
Mavzuga oid
11:20 / 18.09.2024
Kiyev rossiyaliklar tomonidan harbiy asir o‘ldirilgani ehtimolini tekshirmoqda
17:00 / 17.09.2024
Frontdagi vaziyat: Ukrainaning Donetsk yaqinidagi guruhiga qurshov tahdid solmoqda
09:10 / 17.09.2024
FT: YeI Kiyevga 40 mlrd yevrogacha mablag‘ ajratishi mumkin
15:25 / 13.09.2024