Toshkentda 2ta avtobus to‘qnashdi. Ulardan biri ikki nafar piyodani bosib ketdi

Toshkent shahridagi «Chinni bozor» yaqinida ikkita yo‘lovchi avtobusi to‘qnashib ketdi. Bu haqda Kun.uz’ning poytaxt IIBBdagi manbasi xabar bermoqda.

Qayd etilishicha, 147-sonli yo‘nalishdagi «Mersedes-Bens» avtobusi hamda 31-sonli yo‘nalishdagi «Isuzu» avtobusi o‘zaro yo‘l-transport hodisasi qayd etgan.

Shundan so‘ng, «Mersedes-Bens» avtobusi ikki nafar piyodani bosib ketgan. 

Manba xabariga ko‘ra, ikki nafar piyoda - qiz va ayol voqea joyida halok bo‘lgan.

Hozirda ushbu xabar yuzasidan qo‘shimcha tafsilotlar aniqlashtirilmoqda.