O‘zbekistonning Polshadagi birinchi elchisi tasdiqlandi

O‘zbekiston va Polsha diplomatik aloqalari tarixida ilk marta O‘zbekistonning Polshadagi favqulodda va muxtor elchisi tayinlandi. Senat bu lavozimga Bahrom Boboyev nomzodini ma'qulladi, deb xabar qilmoqda Kun.uz muxbiri.

Tashqi ishlar vazirligi tizimida katta tajriba to‘plagan Boboyev O‘zbekistonning Polshadagi diplomatik missiyasi rahbari ham bo‘lgan. 

Boboyevning aytishicha, kelgusida u ishbilarmonlar bilan biznes forum tashkil etish, hukumatlarning siyosiy maslahatlashuvini davom ettirishni rejalashtirilmoqda. 

Shuningdek, O‘zbekiston Milliy universiteti va Varshava davlat universitetlari o‘rtasida anglashuv bitimi imzolanishi uchun elchixona ko‘mak berishi aytildi.