Qadr keçasi: Fazilati, alomatlari, qilinajak ibodatlar va unda öqiladigan maxsus duo haqida
|23:31 / 31.05.201988 1058 min
Ramazon oyida muborak bir keça borki, Alloh taolo öz kalomida uning ming oydan ham afzal ekanligi haqida marhamat qilgan. Ya'ni, kim öşa keçani ibodat bilan ötkazsa, boşqa paytda ming oy ibodat qilgandan köp savobga erişadi. Bu – Qadr keçasidir.
Foto: Mehrob.uz
Abu Hurayra (roziyallohu anhu)dan rivoyat qilinadi: Ramazon oyi kelganida Rasululloh (sollallohu alayhi va sallam): “Alloh sizlarga bu oyda röza tutişni farz qildi. Bu oyda jannat eşiklari oçiladi, dözax eşiklari yopiladi va şaytonlar kişanlanadi. Unda ming oydan yaxşi bir keça bor. Kim undagi yaxşiliklardan mahrum bölsa, mahrum qilinadi”, dedilar (Imom Nasaiy).
Bu kunning fazilati, uning barokoti va yaxşiliklari, unda qilinadigan ibodatlar, duolar va xayrli amallar haqida töxtalib ötsak.
Foto: Mehrob.uz
Uni qaysi kunlardan izlaş kerak?
“Laylatul-qadr” sözining ma'nosi “belgilaş, ölçaş keçasi”, ya'ni yil davomida turli amal, hukm, rizq, taqdir belgilanadigan keça degan ma'noni bildiradi. Qadr keçasi Ramazonning sönggi ön kunligida yaşiringan, uni öşa kunlarning toq kunlaridan izlagan afzal deyiladi.
Uboda ibn Somit (roziyallohu anhu) rivoyat qiladi: “Rasululloh (sollallohu alayhi va sallam): “Qadr keçasi Ramazonning oxirgi ön kunligidadir. Kim unda imon bilan Alloh roziligi uçun ibodat qilsa, albatta, Alloh avvalgiyu keyingi gunohlarini keçiradi. U toq keçada böladi. Töqqizinçi yoki yettinçi yoki beşinçi yoki uçinçi yoki oxirgi keça qadr keçasidir”, dedilar” (Imom Ahmad rivoyati).
Boşqa bir hadisda aytiladi:
Oişa roziyallohu anhodan rivoyat qilinadi: “Rasululloh sollallohu alayhi vasallam: “Laylatul Qadrni Ramazonning oxirgi ön keçasining toq (keça)larida izlanglar”, dedilar”. Ikki Şayx va Termiziy rivoyat qilgan.
Sahoba Zirr (roziyallohu anhu) Ubay ibn Ka'b (roziyallohu anhu)ga: “Birodaringiz Abdulloh ibn Mas'ud: “Kim bir yil tunlari qoim bölsa, Qadr keçasini topadi”, deb aytganlar”, deganida, Ubay ibn Ka'b: “Alloh Abu Abdurahmon (Ibn Mas'ud)ni mağfirat qilsin. Haqiqatda, u Qadr keçasi Ramazonning oxirgi ön kunligida ekanini bilar edi. Bu keça yigirma yettinçi keçadir, lekin odamlar şunga suyanib qolmasligi uçun aytmasdi, – dedi. Söng qat'iy qasam içib: – Yigirma yettinçi keçada, dedi. Şunda men: “Ey Abu Munzir, nima dalil bilan şunday deysan?” dedim. U zot: “Rasululloh (sollallohu alayhi va sallam) bizga aytgan belgi bilan: u kun quyoş şu'lasiz çiqadi”, deb javob berdi (Imom Muslim va Termiziy rivoyati).
Foto: Mehrob.uz
“Laylatul Qadr”ning alomatlari
Uşbu muborak keçaning yettita alomati bölib, ular quyidagilarda namoyon böladi:
1. Qadr keçasida sokinlik hukm suradi. Atrof musaffo, yoruğ, xuddi sukunatga öralgan yoğduli oy çaraqlab turgandek böladi.
2. Osmondagi yulduzlar uçmaydi, boşqa jismlar qaltis harakat qilmaydi. Kasalliklar paydo bölmaydi.
3. Havo mö'tadil böladi, juda issiq ham, juda sovuq ham bölmaydi.
4. Ertalab quyoş qizarib, toğaraga öxşaş, yoğdusi juda zaif bölib ufqdan boş kötaradi. Sababi öşa tun va kunda köp fariştalar yerga tuşib-çiqib turişi oqibatida quyoş nurlarini ham tösib qöyadi.
5. Qadr keçasida yomğir-qor yoğmaydi, yoğsa ham öta mayin va yoqimli böladi. Şör suvlar çuçuk böladi.
6. Daraxtlar öz şoxlarini yerga egiltirib turadi.
7. Öşa kuni şaytonlar çiqişiga yöl qöyilmaydi.
Foto: Mehrob.uz
U qanday fazilatlarga ega?
U ming oydan yaxşiroq keçadir, deyiladi. Agar bu hisob-kitob qilib körilsa, taxminan, 83,3 yilga töğri keladi. Mana şu keçada qilinadigan ibodatlar, zikrlar, salovotu tasbehlar, duolar ana şunday vaqt kengligini qamrab oladi. Bu, şu muborak keçada qilingan ibodatlar şunça yil davomida bajarilgan ibodat savobidan afzal, deganidir. Bundan ortiq bu keçaning yana qanday gözal va uluğvor fazilati bölişi mumkin? Qolaversa, bu keça omonlik va barokot keçasi. Unda bandaning bir yillik hisob-kitobi yer yuziga tuşiriladi. Bu keçada banda bedor bölib, Allohga muxlis holatida, ya'ni ixlos ila duo qilsa, gunohlari mağfirati, ikki dunyo saodati, özining ehtiyojlari haqida söralsa, ijobat böladi.
Abu Hurayra (roziyallohu anhu)dan rivoyat qilinadi: «Payğambar (sollallohu alayhi va sallam): «Kim Qadr keçasini imon va ixlos bilan bedor ötkazsa, uning ötgan gunohlari keçiriladi», dedilar.
Bu keçada qanday amallar qilgan afzal?
Qadr keçasida qilinajak töğri va notöğri amallar haqida Anvar qori Tursunov şunday degan edilar:
“Bu keçani ziyofat qilib emas, yaxşilik qilib ötkaziş kerak. Afsuski, köpçilik turli taomlar hozirlab olib, dasturxonlarni bezab, turli xil gaplarni sotib, biz Qadr keçasida ötirdik, deyişlari mutlaqo notöğri amaldir. Xöş, bu keçada nimalar bilan band böliş lozim böladi? Avvalo, qalbni mana şu kunga sozlab oliş kerak. Hufton namozidan keyin, tahoratni yangilab, poklanib, duo-yu zikrda böliş, tahajjud namozini öqiş, Qur'on tilovat qiliş, istiğfor aytiş, takbir va tahlillarga e'tibor qaratiş lozim böladi. Ana şunda inson özidagi özgarişlarni, qalbiga yaxşi narsalar quyilib kelayotganini anglaydi. Bu keçani mana şunday ötkazsakkina foyda olamiz...
Bir narsani yaxşilab idrok etib olmoq kerak. Rasulimiz sallollohu alayhi vasallam: “Amallar niyatga boğliq”, deb aytganlar. Şu bois har bir kişi yuqorida aytib ötilganidek, qalbni poklab olişi kerak. Bu keçada, ayniqsa, qalbda Allohga bölgan muhabbatni yanada oşiriş lozimdir. Aytmoqçi bölganimizki, mana şu keçada bedor böladigan kişining qalbida çirkin illatlar bölmasligi, uni sof holda uşlab turişi juda yaxşi işdir”.
Bu keçada qanday ibodatlar qilinadi? Ularning maxsus körsatib ötilganlari bormi? Qadr keçasida qanday duolarni qilgan afzal? Şayx Muhammad Sodiq Muhammad Yusuf “Qadr keçasi uçun maxsus namoz yöq”, deb ta'lim berganlar. Ammo bu keçada qazo namozlar, nafl va tahajjud namozlarini öqigan afzal. Bundan taşqari, Qur'oni karim tilovati, Allohni uluğlab aytiladigan tasbeh, istiğfor va zikrlar, Payğambarimiz Muhammad sallollohu alayhi vasallamga bağişlab salovat va durudlar aytiş ulkan ajr-savoblarga sabab böladi.
Oyşa onamiz (roziyallohu anho) rivoyat qiladi: “Yo Rasululloh agar Qadr keçasini topişga muvaffaq bölsam nima deb duo qilay?” deb söradilar. Nabiy sollallohu alayhi vasallam: “Sen: “Allohumma innaka 'afuvvun, tuhibbul 'afva fa'fu 'anniy”, deb aytgin”,– dedilar” (Termiziy, Ibn Moja rivoyati). Tarjimasi: “Yo Alloh, albatta, Sen keçirguvçisan, keçirişni yaxşi körasan. Meni (gunohlarimni) keçirgin”.
Barçalarimizga mana şu keçaning barokoti, hikmati, fayzi, salomatligi, muborakligi nasib etsin, unda qiladigan har bir amalimizni Alloh taoloning özi dargohida qabul qilsin.
