O‘zbekiston Respublikasi Bosh vaziri o‘rinbosari, Xotin-qizlar qo‘mitasi raisi Tanzila Narbayeva boshchiligidagi O‘zbekiston delegatsiyasi Jyenevada Xalqaro mehnat tashkilotining 100 yilligiga bag‘ishlangan 108-Xalqaro mehnat konferensiyada ishtirok etmoqda.
Jyenevada (Shveytsariya) Xalqaro mehnat tashkilotining 100 yilligiga bag‘ishlangan 108-Xalqaro mehnat konferensiyasi 10 iyun kuni boshlandi.
Konferensiya ishida dunyoning turli davlatlaridan tashrif buyurgan 6000 dan ortiq delegat qatnashmoqda. Tadbirda mehnat sohasidagi muammolarni bartaraf etish chora-tadbirlari xususida fikr yuritiladi. Shuningdek, Xalqaro mehnat tashkilotining 100 yilligini nishonlash rejalashtirilgan.
108-Xalqaro mehnat konferensiyasi 21 iyunga qadar davom etadi.
