«Men shu yerdaman. Olg‘a «Barsa»!». Frenki De Yong Barselonaga keldi

«Barselona» niderlandiyalik yarimhimoyachi Frenki De Yongni tanishtirdi. 

«Xush kelibsan, Frenki», deyiladi klub matbuot xizmati xabarida.

«Ayaks»ning endilikda sobiq futbolchisi ispaniyalik jurnalistlarga «Barselona»ning yangi futbolchisi sifatida tanishtirildi.

«Men shu yerdaman. Olg‘a «Barsa»!», — dedi futbolchi ispan tilida.

De Yong bilan shartnoma 5 yilga mo‘ljallangan. Kataloniyaliklar klubi qishdayoq 21 yoshli futbolchi uchun 75 million yevro to‘lagan va ushbu transferni rasmiylashtirgan. Kelishuvga ko‘ra, «Ayaks» yana 11 million yevroni turli bonuslar ko‘rinishida olishi mumkin.