BMT Xavfsizlik kengashi Shimoliy Koreya raketa sinovlari yuzasidan yig‘iladi

Buyuk Britaniya, Germaniya va Fransiya BMT Xavfsizlik kengashidan, Koreya Xalq Demokratik Respublikasining raketa sinovlari munosabati bilan uchrashuv o‘tkazishni so‘ragan. Diplomatlar uchrashuvi yopiq eshiklar ortida bo‘lishi mumkin, deyishgan vaziyatdan xabardor diplomatlar. 

Reuters agentligining yozishicha, Shimoliy Koreya 31 iyul kuni tongda ikkita qisqa masofalarga uchuvchi raketani uchirgani haqida Janubiy Koreya armiyasi xabar qilgan edi. Bundan bir kun avval, Pxenyan xuddi shu kabi ikkita o‘xshash raketa sinovini o‘tkazgan edi. KXDR rasmiylari bu sinovlarni Janubiy Koreya va AQSh hamkorligidagi harbiy mashg‘ulotlarga norozilik sifatida baholagandi. 

BMT bosh kotibi Antonio Guterrish, raketa sinovlari Koreya yarimorolini yadrosizlantirish bo‘yicha muzokaralarni qayta boshlash qanchalik muhim ekanini ko‘rsatishini ta'kidladi.