«Zöravonlik siyosatidan foyda bölganida 30 yilda zör bölib ketgan bölar edik» - Mirziyoyev «snos»lardagi zöravonliklar haqida

«Qaşqadaryoning vallomati bor, Röziyev degan, 5 yil qişloq xöjaligi vaziri bölib işlagan noinsof. DXX rahbari borganidan söng çiqqan izohlarni öqi. Bitta jinning qarindoşi bilan janjal qilib, mening siyosatimni butun dunyoga şarmanda qildi. Özimni tumanim, u qilaman, bu qilaman, deysan. Bitta tuzukroq kadring yöq, yana Dehqonobodga tirmaşasan. Mana, sening menga qilgan «döstliging». Özbekistondagi hozirgi oşkoralik, şaffoflikni ta'minlay, deb keçayu-kunduz yuritayotgan siyosatimga atrofingdagilar bilan qilgan «döstliging».

Qölingdan kelmas ekan, nima qilasan bir odamning tuppa-tuzuk turgan uyini buzib? Sen xulosa qil, uyingni birov kelib buzsa [nima qilasan]?

Noinsoflar, men sizlarning qay biringga buzgin, deb topşiriq berdim? Men sizlarga avvalo odamlarni rozi qilib, keyin janob Zokirov degan vazir bilan ötirib, loyiha qilib, boş vazirga hisobot berib, keyin qilinglar, deb topşiriq berganman.

Mana, sening «döstliging», janob Röziyev! Özingni öşa tumanga hokim qilib yuboraman, aytib qöyay!» — deya Yakkaboğda bölib ötgan voqealarga öz munosabatini bildirgan prezident.

Farğona viloyati Rişton tumanida amalga oşirilgan keng qamrovli buziliş işlariga töxtalar ekan, prezident şunday degan:

«Mana, internet foydalanuvçilarining Rişton tumanidagi köçmas mulk buzilişlariga nisbatan izohlari. Men sizlarga tayyor pul berayapman, pulni «Obod qişloq» qilinglar, deb berayapman. Mana, sening menga «döstliging», Ğaniyev degan vallomat!

Mana, odamlar izohlarda yiğlayapti, sening rasming yöq, prezidentning rasmi bor. Sen noinsof borib, Ermanovga öxşab ahmoqlarça «buza, buz» deysan. Buzişdan avval sen öz boşingni buz. Men seni şuning uçun tarbiya qilib yuruvdimmi? Qoş qöyaman deb köz çiqarib, butun Özbekistonni [şarmanda qilayapsizlar].

Bolalar mehnati bor edi, endi u yöq böldi, endi butun internet prezident topşiriq bergan, buziş, odamlarni norizo qiliş bilan tölib toşdi.

Ey noinsof, Rişton böyiça ham senga pul berib aytdimki, Riştonni yangilaş kerak, biroq odamlarni rozi qilib qiliş kerak, deb. Janob Ğaniyev, tajribali hokim! Mayli, Ermanov keça kelgan hokim, Röziyev ikkalang xiyonatçisan! Sizlar bilan katta-katta işlarni amalga oşira olamizmi? Heç qaçon oşira olmaymiz! Çunki sizlarga bir topşiriq berişga odam qörqadi! Nega desangiz, saviyang yöq, biliming yöq, kitob ham öqimaysan, prezidentning qarorini ham», — degan prezident.

Mirziyoyev e'tirozli vaziyatlarni keltirib çiqargan viloyat rahbarlariga qanday çoralar körilişini ham aytib ötgan.

«Şularning hammasini inobatga olib, boş vazir [bu viloyatlarda] törtta sektorning işini örganib, ularning mas'uliyati va javobgarligi böyiça menga qaror taklif qiladi. Törtta sektor işlamayapti.

Ikkinçidan, mas'uliyat va javobgarlikni his qiliş yöq.

Uçinçidan, men [prezidentligimning] birinçi kunidan takrorlab kelmoqdaman: odamlarni bugun rozi qilaylik, deb. Sizlar rozi qiliş uyoqda tursin, qilgan işing odamlarda norozilik uyğotiş bölmoqda.

Sizlarga öxşagan noinsoflar bilan işlaganim uçun Özbekistonni butun dunyoga şarmanda qilayapsizlar. Ermanov, Ğaniyev, Röziyev va şunga öxşagan odamlar.

Agar miqdorini olsak, ikki yarim yilda tadbirkorlik uçun ajratgan pulimiz 30 yilda berilmagan. Buning natijasi iqtisodiyotda, odamlarning kayfiyatida, yalpi işlab çiqarişda aks etişi kerak. Ajratgan kreditlarimizning 60 foizi hali iqtisodiyotda özining ijobiy ta'sirini körsata olgani yöq, janob [Moliya vaziri — Jamşid] Qöçqorov. Bu qip-qizil sening aybing!

Bu masalalar hali tinçigani yöq. Şuning uçun Aripov va Nizomiddinovga topşiriq: qaysi viloyat hokimini işdan oliş böyiça taklif berasizlar.

Men yana bir marta takrorlayman: bunday zöravonlik siyosati bilan biz uzoqqa bora olmaymiz. Agar zöravonlik siyosati foydali bölganida 30 yilda zör bölib ketgan bölar edik.

Ermanovning qilgan qiliği, Röziyevning qilgan xiyonati — bu madaniyatsizlik.

Endi uçovi Internet orqali murojaat qilsin, Abdulla Negmatoviç! Röziyev ham, Ermanov ham, Ğaniyev ham — hammasi. Qanday qilib murojaat qilişini siz özingiz ayting.

Butun elga aytsin: Özbekistonni unday deb öylamanglar, men ahmoqlik qilganman, men xiyonat qilganman, deb. Millat emas, mamlakat emas, davlat emas, deb. Kerak bölsa öşa blogerlarni yiğsin, blogerlarga özlari hisobot berişsin», — degan Şavkat Mirziyoyev videoselektorda.