Shahnoza Mirziyoyeva yangi lavozimga tayinlandi

Shahnoza Mirziyoyeva Maktabgacha ta'lim vazirligi Maktabgacha ta'lim sohasi siyosatini shakllantirish va yuritish bosh boshqarmasi boshlig‘i lavozimiga tayinlandi. Bu haqdagi ma'lumotni vazirlik Kun.uz’ga tasdiqladi.

Qayd etilishicha, Shahnoza Mirziyoyeva bosh boshqarma boshlig‘i sifatida 2019 yil 1 avgustdan ish boshlagan. Bundan avval u mehnat qilgan boshqarma ikki yo‘nalishga ajratilgani aytildi.

Shahnoza Mirziyoyeva vazirlik tizimida Maktabgacha ta'lim muassasalari faoliyatini tashkil etish boshqarmasi boshlig‘i o‘rinbosari sifatida ishlab kelayotgandi.

Vazirlar Mahkamasining 1 avgust kungi qarori bilan O‘zbekiston Respublikasi Maktabgacha ta'lim vazirligi hay'ati a'zolari tarkibi tasdiqlandi. O‘zbekiston Respublikasi Maktabgacha ta'lim vazirligi hay'ati a'zolarining soni o‘n bir kishidan iborat bo‘lishi belgilab qo‘yildi.

O‘zbekiston Respublikasi Maktabgacha ta'lim vazirligining hay'ati quyidagi tarkibda tasdiqlandi:

1. Shin Agrepina Vasilevna ― Vazir

2. Turg‘unov Sobitxon Toshpo‘latovich ― Vazirning birinchi o‘rinbosari

3. Mamatqulov Shodiyor Abduvaxidovich ― Vazir o‘rinbosari

4. Yuldashev Maksudjan Abdullayevich ― Vazir o‘rinbosari

5. Mirziyoyeva Shaxnoza Shavkatovna ― Maktabgacha ta'lim sohasi siyosatini shakllantirish va yuritish bosh boshqarmasi boshlig‘i

6. Ten Yelena Gerasimovna ― Maktabgacha ta'lim tashkilotlari faoliyatini muvofiqlashtirish, tahlil qilish va strategik rivojlantirish boshqarmasi boshlig‘i

7. Olimov Qahramon Tanzilovich ― Pedagog kadrlar sifatini oshirish va pedagogika kollejlar faoliyatini muvofiqlashtirish boshqarmasi boshlig‘i

8. Yusupov Abdukahhor Djumanovich ― Kadrlar boshqarmasi boshlig‘i

9. Normatov Dilshod Xabibullayevich ― Ichki audit, moliyaviy va huquqiy nazorat xizmati boshlig‘i

10. Eshpulatov Komiljon Abdusalomovich ― Maktabgacha ta'lim muassasalari rahbar va mutaxassislarini qayta tayyorlash va ularning malakasini oshirish institutining rektori

11. Usnatdinova Jumagul Sharapovna ― Qoraqalpog‘iston Respublikasi maktabgacha ta'lim vaziri.