Avgust oyining o‘zida poytaxtda yuqori tezlik uchun 2,3 mlrd so‘m jarima undirilgan

Toshkent shahar IIBB ma'lumotlariga ko‘ra, joriy yilning o‘tgan avgust oyi davomida poytaxtda tezlikni oshirish bilan bog‘liq 8 248 holat qayd etilgan. Radarlar yordamida o‘lchangan tezlik ko‘rsatkichilari bo‘yicha tegishli hujjatlar rasmiylashtirilib, qoidabuzar haydovchilardan 2 mlrd 303 mln so‘m jarimalar undirilgan.

IIBB haydovchilar tezlikni oshirmaslikka, belgilangan me'yorda harakatlanish kerakligini eslatadi. Chunki o‘lim bilan tugovchi yo‘l transport hodisalarining aksariyati aynan yuqori tezlik va uning ortidan boshqaruvni yo‘qotish bilan bog‘liq bo‘lib qolmoqda.