O‘tgan mavsumda uy uchrashuvlariga eng ko‘p tomoshabin yiqqan jamoalar ma'lum qilindi

«Barselona» o‘tgan mavsumda Yevropada uy o‘yinlariga eng ko‘p muxlis yiqqan jamoalar ro‘yxatida birinchi o‘rinni band etdi. Bu haqda UYeFA hisobotiga asoslangan holda RIA Novosti xabar bermoqda.

Hisobotda qayd etilishicha, Ispaniya chempionatining 2018/19 yilgi mavsumida «Barselona»ning «Kamp Nou»dagi o‘yinlariga jami 1,44 million chipta sotilgan. Ikkinchi o‘rinni «Manchester Yunayted» (1,42 million), uchinchi o‘rinni esa Dortmundning «Borussiya» klubi egallagan (1,37). Bu borada keyingi ko‘rsatkichlar «Bavariya» (1,28) va «Real» (1,15) jamoalari tomonidan qayd etilgan.

Tomoshabinlar tashrifi o‘sishi bo‘yicha rekord ko‘rsatkich Gretsiyaning PAOK klubida kuzatildi (+172 ming muxlis), bu bo‘yicha kuchli beshlik «Barselona» (+171), «Latsio» (+118), Gretsiyaning «Olimpiakos» (+106) va Kiyevning «Dinamo» (+91) klublari tomonidan to‘ldirilgan.