Fransiya rahbariyati sobiq prezident Jak Shirak vafoti munosabati bilan 30 sentyabrni umummilliy motam kuni deb e'lon qildi. Shu kuni Parijdagi Sen-Syulpis cherkovida motam marosimi bo‘lib o‘tadi. 29 sentyabrgacha odamlar Yelisey saroyida qo‘yilgan motam kitobida o‘z ta'ziyalarini qoldirishlari mumkin bo‘ladi.
Jak Shirak 26 sentyabrda 87 yoshida vafot etdi. U 1995-2007 yillar davomida Fransiya prezidenti bo‘lgan. Bungacha Shirak qishloq xo‘jaligi vaziri, bosh vazir va Parij meri sifatida faoliyat yuritgan. Oxirgi 3 yil u rasmiy marosimlarda ishtirok etmagan.
Motam munosabati bilan butun Fransiya bo‘ylab milliy bayroqlar tushirilib, bir daqiqalik sukut o‘tkaziladi.
