Zelenskiy: Poroshenko barcha qilgan ishlari uchun javob beradi

Ukrainaning sobiq prezidenti Pyotr Poroshenko barcha qilgan ishlari uchun javob beradi. Bu haqda Ukraina rahbari Vladimir Zelenskiy jurnalistlar bilan uchrashuvda ma'lum qildi.

“U [Poroshenko] nima qilgan bo‘lsa ham, men bunga ta'sir ko‘rsatishni xohlamayman. Buni huquq tartibot idoralari hal qiladi”, dedi Zelenskiy.

Uning so‘zlariga ko‘ra, “Poroshenko hali ham o‘zini prezidentdek tutmoqda”. “Bu katta ruhiy jarohat”, deb qo‘shimcha qilgan Zelenskiy. Uning ma'lum qilishicha, sobiq prezident bir necha marta u bilan uchrashishni istagan. “Men unga haqiqatan ham muloqot qilishga tayyorligini eshitishni istashimni aytdim. Biroq meni faqat ayblashini eshitaman”, deb aytgan Ukraina rahbari.

Hozirda Ukrainada Poroshenko o‘nlab jinoiy ish bo‘yicha guvoh sifatida o‘tmoqda.