Kanadadagi saylovlarda bosh vazir partiyasi g‘alaba qozondi 

Kanadada parlament saylovlarining dastlabki natijalariga ko‘ra, bosh vazir Jastin Tryudo boshchilik qiladigan Liberal partiya g‘olib bo‘lmoqda va ozchilik hukumatini shakllantirishi mumkin bo‘ladi. 

Oxirgi ma'lumotlarga ko‘ra, liberallar 338 ta okrugdan 144 tasida g‘alaba qozondi. Ularning Konservativ partiyadan asosiy raqobatchilari 107 ta okrugda g‘olib bo‘lgan. Ayni vaqtda 306 ta okrugdan ma'lumotlar olingan.  

Kanadada hammasi bo‘lib parlament quyi palatasidagi o‘rinlar soni bo‘yicha 338 ta saylov okrugi mavjud. Ko‘pchilik hukumatini shakllantirish uchun g‘olib partiya kamida 170 ta okrugda g‘alaba qozonishi kerak.